भारतीय जनता पार्टीका युवा नेता, नेपालीभाषी तथा भारतीय लोकसभा सांसद राजु बिष्टले भारतमा बस्ने गोर्खाहरु शरणार्थी नभएको बताउनुभएको छ । पछिल्लो चरण नेपालीभाषीमा एनआरसीको हल्ला चलिरहेको बताउदै, हामीहरुलाई यो एनआरसीले केहि फरक गदैन, हामीहरु केहि डराउनु पर्दैन । एनआरसीले गोर्खे समाजलाई केहिपनि थिचोमाचो पार्दैन –उहाँले भन्नुभयो ।
एनआरसी लागु हुनुभन्दा अघि आउने सिएडी मार्फत अफगान–स्तान, पाकस्तिान, बंगलादेशबाट आएका हिन्दु शरणार्थीहरुले त नागरिकता पाउछन् भने, हामी गोर्खाहरुले झन् नपाउने कुरै भएन, किनकी हामीहरु शरणार्थी होइनौं, हामीहरु यहाँका खाटी हौं –उहाँले भन्नुभयो । नेपालीभाषीहरु एकजुट हुनुपर्नेमा समेत उहाँले जोड दिनुभयो । म पनि गोर्खेको छोरो हु । म जे पनि बोल्छु, गरेरै देखाउछु– उहाँले भन्नुभयो ।


