• एउटै दृष्टि, भिन्न कोण
  • Search

पूर्व सभामुख महराको धर्म पत्निको सम्झनामा स्मृति पार्क बन्यो

रोल्पा २०७८ साउन २१ गते बिहिवार

पूर्व सभामुख तथा दाङ क्षेत्र नम्बर २ का प्रतिनिधिसभा सदस्य  कृष्णबहादुर महराकी पत्नी सीता महराको सम्झनामा रोल्पामा स्मृति पार्क निर्माण गरिएको छ । दिवंगत सीता महराको नाममा स्थापना गरिएको सीता महरा मेमोरियल फाउन्डेसनले  महराको गृहनगर रोल्पा नगरपालिका १ मेबाङमा आकर्षक स्मृति पार्क निर्माण गरिएको हो ।

दिवंगत सिता महराले रोपेर हुर्काएका आकर्षक फूल लालीगुराँस, चाइनिज टिमुर लगायतका बोटबिरुवाहरूलाई संरक्षण गरेर स्मृति पार्कलाई आकर्षक र मनोरम बनाइएको छ । संघीय सरकारको ३० लाख र बाँकी जन श्रमदानबाट पार्क निर्माण गरिएको हो ।

साथै पार्कमा आकर्षक कला र डिजाइनले पर्यटकको मनै लोभ्याउने गरि डिजाइन गरेको पाइन्छ । दिवंगत सीता महराको स्मृतिमा स्थापना गरिएको फाउन्डेसनले थप सामाजिक काम गर्ने पनि बताइएको छ ।

तात्कालिक जनयुद्धको उद्गम थलो रोल्पामा जनयुद्धका एक कुशल अभिभावक सीता महरा स्मृतिमा निर्माण गरिएको पार्क एउटा मनोरम पर्यटकीय गन्तव्य बनेको स्थानीयको भनाइ छ ।

प्रतिक्रिया दिनुहोस