सल्यानकाे बागचाैर नगरपालिकाले शंकास्पद प्रश्नपत्र बनाएर कर्मचारीकाे परिक्षा लिएकाे खुलेकाे छ । आइतबार नगरपालिकाले लिएकाे कृषि प्राविधिककाे करार कर्मचारीकाे लागि प्रश्नपत्र नै शंकास्पद देखिएकाे छ ।
परिक्षार्थीकाअनुसार पेपरमा लेखिएका प्रश्नकाे उत्तरलाइ नै सांकेतिक चिन्ह दिएर परिक्षा लिइएकाे हाे । विभिन्न ३ तरिकाबाट प्रश्नकाे सहि उत्तरलाइ संकेत गरिएकाे परिक्षार्थीहरुले बताएका छन् ।
प्रश्नपत्रमा एउटा प्रश्नकाे उत्तर छनाेट गर्नलाइ ४ वटा अपसन राखिएकाे छ । जहाँ सहि उत्तरमा थाेप्लाे चिन्ह लगाएकाे देखिन्छ । त्यस्तै, सहि उत्तरलाइ संकेत गर्नलाइ अन्य तिनवटा उत्तरमा पनि थाेप्लाेले संकेत गरिएकाे छ भने सहि उत्तरलाइ थाेप्लाे नलगाएर संकेत गरिएकाे छ ।
त्यसैगरी ४ वटा उत्तरका अपसनमध्ये दुइवटालाइ अपसनमा राख्नेगरी दुइवटालाइ थाेप्लाेले संकेत गरिएकाे देखिन्छ भने दुइवटालाइ खाली राखेर संकेत गरिएकाे देखिन्छ ।
यसरी शंकास्पद ढंगले प्रश्नपत्र बनाएर आफ्ना नजिकका मान्छे भर्ति गर्न खोजेको भन्दै परिक्षा दिइसकेपछि परिक्षार्थीहरुले बागचाैर नगरपालिकाकाे कार्यालय अगाडी नाराबाजी गरेका छन् ।
परिक्षार्थी सम्मिलित नविन केसीले भने, ‘हामीले पेपर हेरेर खुरुखुर कापीमा उत्तर लेखिऔं, परिक्षा सकिएपछि पेपर हामीलाइ ल्याउन दिइएन, परिक्षा समितीले नै लिए । त्यसपछि हामीलाइ शंका लाग्याे । पछि केहि साथीहरुले पेपर माेबाइलमा खिचेर राखेका रहेछन् । हेर्दा त ठुलै चलखेर भएकाे बुझियाे ।’
अर्का परिक्षार्थी चिरिन्जीवी डाँगीले भने, ‘हामीलाइ त थाेप्लाेकाे मतलबै भएन् । उनिहरुले पहिले नै सेटिङ मिलाएर आफ्ना मान्छेलाइ भर्ती गर्नकाे लागि यसरी सहि उत्तरलाइ थाेप्लाेले शंकेत गरेकाे देखिन्छ । याे सरासर स्थानीय सरकारकाे नांगाे नाच हाे । गाेप्य रुपमा प्रश्नपत्र दिएकाे भए त थाहा हुने रहेनछ तर बाहिर खुलेआम नै नाटक गरेर आफ्ना मान्छेले थाहा पाउने गरी प्रश्नकाे उत्तरमा शंकेत गरियाे ।’
परिक्षार्थीहरुका अनुसार प्रश्नपत्रमा ५० वटा प्रश्न थिए । जहाँ उत्तर कापीमा लेख्नुपर्ने थियाे तर परिक्षा सकेर फर्किदा पेपर ल्याउन दिइएन । यहाँ परिक्षा दिनलाइ सल्यान सँगै राेल्पा, रुकुम, दाङ, जुम्ला लगाएतका जिल्लाबाट परिक्षार्थीहरु सहभागी भएका थिए । जम्मा ६ जना कृषि प्राविधिक कर्मचारी आवेदन मागेकाेमा २ सय ६८ जना परिक्षार्थीले परिक्षा दिएका थिए । जसकाे शुल्क ५ सय ताेकिएकाे थियाे ।
छानविन गर्छौं : उपमेयर
परिक्षार्थीहरुले घटनामा संलग्न दाेषिलाइ कारबाही गर्नुपर्ने र परिक्षा रद्द गर्नुपर्ने माग गर्दै उपमेयर कल्पना पुनलाइ परिक्षार्थीकाे हस्ताक्षेर सहित निवेदन दिएका छन् । निवेदन बुझ्दै उपमेयर पुनले मेयर बाहिर भएकाे र आउनबित्तिकै छानविन सुरु गर्ने बताएकी छन् । उनले प्रश्न पत्रबारे आफुहरुलाइ केहि थाहा नभएकाे र सबै जिम्मा प्रशासकीय अधिकृतलाइ दिएकाे बताइन् ।
प्रशासकीय अधिकृत राम बहादुर हमालले भने आफु विरुद्व परिक्षार्थीहरुले निवेदन दिएकाेले अहिले आफु केहि नबाेल्ने बताए । उनले भने, ‘म यत्ति भन्छु, हामीले कुनै नियतबस गल्ती गरेका छैनाैं । कम्प्यूटर प्रिन्टमा मिस्टेक भएकाे हाे । यसलाइ कुनै ठुलाे कुरामा लिनुपर्ने जरुरी छैन् । छानविनमा म दाेषी देखिए सजाय भाेग्न तयार छु ।’
यस्तो छ प्रश्नपत्र
