• एउटै दृष्टि, भिन्न कोण
  • Search

प्रकाशमान भेट्न देउवा पुगे चाक्सीबारी, भोट तान्ने प्रयास

काठमाडौ २०७८ मङ्सिर २८ गते मङ्गलवार

काँग्रेस सभापतिका उम्मेदवार शेरबहादुर देउवा भोट माग्दै नेता प्रकाशमान सिंहलाई भेट्न उनको निवास चाक्सीबारीमा पुगेका छन् ।

काँग्रेस सभापतिका लागि दोस्रो चरणको मतदान हुने भएपछि पहिलो चरणबाट बाहिरिएका प्रकाशमानलाई भेट्न तथा मत दिन आग्रह गर्दै देउवा चाक्सीबारीमा पुगेका हुन् ।

यसअघि देउवा समूहकै नेता बालकृष्ण खाँण प्रकाशमानलाई भेट्न बिहानै पुगेका थिए भने अहिले फेरि देउवा पनि पुगेका हुन् ।

काँग्रेस सभापतिको दोस्रो चरणको चुनावमा देउवा र शेखर कोइरालाबीच प्रतिस्पर्धा हुँदैछ । यसअघि पहिलो चरणको चुनावबाट प्रकाशमानसहित विमलेन्द्र निधि र कल्याण गुरुङ बाहिरिएका थिए । देउवाले निधि र प्रकाश सिंहलाई फकाउन सके उनको पक्षमा बहुमत पुग्न सक्ने देखिएको छ।

पहिलो चरणको चुनावमा देउवालाई बहुमत ल्याउन ८२ मत पुगेको थिएन ।

प्रतिक्रिया दिनुहोस