रोल्पाको रुन्टीगढी गाउँपालिकाले १५ औ गाउँसभा सम्पन्न गरेको छ ।
केही ऐन तथा योजना कार्यक्रमहरु संसोधन गरि सभाले पारित गरेर गाउँसभा सम्पन्न गरेको हो ।यस गाउँसभालाई हिउदे गाउँ सभाको रुपमा पनि बुझ्ने गरिन्छ ।उक्त गाउँ सभामा सहकारी ऐन २०७५ लाइ कार्यक्षेत्र फेरबदल गरि संसोधन गर्न बनेको बिधेक २०८० सभाले पारित गरेको छ । त्यसैगरि केही योजना तथा कार्यक्रमहरु संसोधन गरेर सभामा पेस गरे पछि उक्त सभाले संसोधित योजना तथा कार्यक्रमहरु पारित गरेको छ । सभामा समग्र खर्च प्रतिशत समेत प्रस्तुत गरिएको थियो । जस अन्तरगत चालु तर्फ समग्र १५ औ गाउँसभा हुदा सम्म १९.९० प्रतिशसत मात्र खर्च भएको जानकारी प्राप्त भएको छ ।
रुन्टीगढी गाउँपालिका वडा न. ६ का अध्यक्ष घन बहादुर घर्तीको शुभकामान मन्तव्यबाट शुरु भएको गाउँसभा गाउँपालिका अध्यक्ष जनक पुनको सभा अध्यक्षतामाह भएको थियो ।
