लुम्बिनी प्रदेशका स्वास्थ्य मन्त्री एवं लुम्बिनी प्रदेश सरकारका प्रवक्ता दीपेन्द्र कुमार पुनमगर ‘सिजल’ ले जनता समाजवादी पार्टीले लुम्बिनी प्रदेश सरकारबाट राजनीनामा दिने विषय हतारमा गरेको निर्णय भएको बताउनुभयो । उहाँले यस्तो विषयमा सत्ता साझेदार दलहरु सबै गम्भिर हुनु पर्ने बताउनुभयो ।
सरकार भनेको सबै सत्ता साझेदारहरु दलको समान दायित्व भएकाले गर्दा सबै जिम्मेवार बन्नु पर्ने तर्क राख्नुभयो । लुम्बिनीमा त्यही मन्त्रालय र सरकारको दीगोपनाकालागि काठमण्डौँ मुख्यमन्त्री गएको समयमा नै यस्तो निणर्य गर्ने विषय भनेको दुखद भएको र मुख्यमन्त्री काठमाण्डौबाट आएपछि छलफलबाट अगाडि जान सकिने बताउनुभयो । उहाँले भन्नुभयोः-“यो सरकार सबैको हो, यसलाई सफल बनाउने जिम्मेवारी हे, यसमा कसैले दिने र लिने भन्ने प्रश्न नै आउँदै त्यसले यसलाई छलफलबाट हल गर्न सकिन्छ यसबाट भागेर हुँदैन । ”
उहाँले आपसी सहमति, समझदारीबाट टुङगो लगाउने र हालको निणर्यमाथी जसपाले पुन विचार गर्नेमा सरकारले विश्वास समेत गरेको छ । यस विषयमा जसपाका नेता अशोक यादवले आफूहरुलाई सरकारमा सम्मान जनक सहभागीता भएको र सहमति अनुसार २ वटा मन्त्री नदिएको भन्दै यस्तो निणर्य गरेको बताउनुभयो ।
यस विषयमा मुख्यमन्त्री जोखबहादुर महरा शिर्षस्थ नेताहरुसँगको भेटगाटपछि काठमाण्डौबाट ११ गते फर्केपछि सबै विषयमा टुङ्गो लगाउन सकिने गरी तयारी भएको समेत प्रवक्ता पुनमगरले जानकारी दिनुभयो ।
