न्यायिक समिति समन्वय संजाल रोल्पाको दोस्रो घुम्ती बैठक माडी गाउँपालिकाको वडा नम्बर २ घर्तिगाउँमा सम्पन्न भएको छ ।
माडी गाउँपालिका उपाध्यक्ष तथा न्यायिक समिति संयोजक जयपुरी घर्तिमगरको अध्यक्षता एवम् माडी गाउँपालिका अध्यक्ष अमरसिंह घर्तिमगरको प्रमुख आतिथ्यतामा भएको कार्यक्रममा रोल्पाका न्यायिक समिति संयोजक, सदस्य र न्याय हेर्ने कर्मचारीहरुको उपस्थिति थियो । बैठकमा परिवर्तन गाउँपालिका उपाध्यक्ष कलादेवी खत्रीनी, त्रिवेणी गाउँपालिका उपाध्यक्ष लेखमनी डाँगी, लुङ्ग्री गाउँपालिका उपाध्यक्ष दिल कुमारी गुरुङ, थवाङ गाउँपालिका उपाध्यक्ष शर्मिला बुढा, सुनिल समृती गाउँलालिका उपाध्यक्ष मिना थापा, सुनछहरी गाउँपलिका उपाध्यक्ष ननकला घर्तिमगर, रुन्टिगढी गाउँपालिका उपाध्यक्ष सरिता केसी, माडी गाउँपालिकाका प्रमुख प्रशासकीय अधिकृत यज्ञबहादुर भण्डारीलगाएतको उपस्थिति रहेको थियो । बैठकमा गंगादेवबाट न्यायिक समिति सदस्य प्रेम केसी, रोल्पा नगरपालिकाबाट न्यायिक समिति सदस्य देव बहादुर सुनारको पनि उपस्थिति थियो । बैठकमा स्थानीय न्यायिक समितिले गरेका प्रगति प्रतिवेदन प्रस्तुत गरिएको थियो । न्यायिक समिति समन्वय संजालको बैठक प्रत्येक ३/३ महिनामा प्रत्येक स्थानीय तहमा हुने गर्दछ । माडी गाउँपलिकाको घर्तिगाउँमा सम्पन्न बैठक सँगै आगामी बैठक जेठ २७ गते त्रिवेणी गाउँपालिकको केन्द्र जुगारमा हुने भएको छ ।
माडी गाउँपालिका न्यायिक समिति सदस्य ओसे कामीको स्वागत मन्तव्यबाट शुरु भएको कार्यक्रमको संचालन माडी गाउँपालिकाका प्रेस सल्लाहकार बुद्धिमान ओलीले गर्नुभएको थियो ।
