लुम्बिनी प्रदेशका स्वास्थ्य मन्त्री दीपेन्द्र कुमार पुनमगर “सिजल”ले रोल्पा जिल्लाको स्वास्थ्य क्षेत्र सुधार क्रमिकरुपले अगाडि बढेको बताउनु भएको छ। रोल्पा अस्पतालको निरिक्षण तथा अनुगमनको क्रममा स्वास्थ्यकर्मीहरुसँगको जिज्ञासालाई सम्बोधन गर्दै रोल्पा र आम लुम्बिनी प्रदेशको स्वास्थ्य क्षेत्र सुधारकोलागि मन्त्री पदमा रहन्जेल सकारात्मक पहल चाल्ने बताउनु भएको हो ।
नागरिकको सबैभन्दा ठूलो धन स्वास्थ्य भएकोले त्यसकालागि राज्य, आम जनताको स्वास्थ्य सुधार गर्दै यसको वृद्धीका विकासकालागि आगामी दिनमा सरोकारवालको सहकार्यतामा थप सुधार गर्न लाग्नुपर्ने र नेपालमा स्वास्थ्यको सुधार गरेर मात्रै समृद्धितिर अगाडि बढ्ने सकिने तर्क अघि सार्नुभयो ।
नेपालमा विरामीको संख्या र दक्ष जनशक्तिको वीचमा रहेको खाडल हटाउनु पर्ने तर्क छ । उहाँले भन्नुभयोः–“ विरामीको संख्या धेरै भयो, उपचार गर्ने चिकित्सवको टोली थोरै छ त्यसैले यस प्रकारका खाडललाई हल गर्नुपर्दछ । ” स्वास्थ्य क्षेत्रलाई सुधार गर्नकालागि केही नीतिगत कुरालाई संम्सोधन गर्न आवश्यक रहेको र नीतिगत सुधारकालागि पदमा रहन्जेल आफूले प्रयास गर्ने बताउनुभयो ।
उहाँले स्वास्थ्यकर्मीहरुले दुर्गममा आएर सेवा गर्ने वातावरण निर्माण गर्नकालागि लागेको र रोल्पा जिल्लाको केही सुधार गर्ने कार्यक्रम यसै वर्षको बजेटमा संम्वोधन गर्न प्रयास गर्ने बताउनु भयो ।
