• एउटै दृष्टि, भिन्न कोण
  • Search

पूर्वशिक्षामन्त्री धनिराम पौडेलको निधन

२०७६ जेष्ठ ३१ गते शुक्रवार

पूर्वशिक्षामन्त्री धनीराम (डिआर)पौडेलको  निधन भएको छ ।

उनको हृदयाघातका कारण चितवनको माडीमा निधन भएको हो । नेपाल कम्युनिष्ट पार्टी ९नेकपा० का जिल्ला अध्यक्ष यमबहादुर परियारका अनुसार बिहान ७ बजे उनको निधन भएको हो ।

माडी नगरपालिका–५ रमाइलोडाँडास्थित आफ्नै निवासमा हृदयाघात भएपछि बिहान ७ बजे माडीस्थित बघौडा अस्पतालमा ल्याइएको थियो ।

पौडेल संविधानसभाको सदस्य थिए । पार्टीका केन्द्रीय सदस्य पौडेल तत्कालीन अखिल क्रान्तिकारीका केन्द्रीय अध्यक्षसमेत भएका थिए । उनकी श्रीमती गङ्गा वेलवासे पनि पार्टीको केन्द्रीय सदस्य हुन् । पौडेलका दुई छोरी छन् । पौडेलको अन्तिम संस्कारमा सहभागी हुन नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ सहित नेकपाका नेताहरु चितवन आउने कार्यक्रम रहेको जिल्ला अध्यक्ष परियारले जानकारी दिए ।

प्रतिक्रिया दिनुहोस