सामुदायिक रेडियोहरुको छाता संगठन सामुदायिक रेडियो प्रशारक संघ नेपाल(अकोराब)को केन्द्रिय अध्यक्षमा दाङका अर्जुन गिरी निर्वाचित हुनु भएको छ । काठमाडौमा भएको अकोराबको ७ औँ अधिबेशन तथा १५ औँ साधारण सभाबाट उहा अध्यक्षमा निर्वाचित हुनु भएको हो । नेतृत्वको विषयमा सहमती हुन नसकेपछि निर्वाचन भएको थियो । अध्यक्ष पदका लागी विहिवार भएको मतदानमा गिरीले १६१ मत प्राप्त गरी निर्वाचित हुनु भएको हो ।
जम्मा १७८ मत खसेकोमा उहाका तिन मत बदर भएको थियो भने उहाका प्रतिद्धन्द्धी कपिलदेव खनालले १४ मत प्राप्त गर्नु भएको थियो । अन्य पदाधिकारी भने सर्वसम्मत चयन भएको छ । गिरीको नेतृत्वमा २९ सदस्यिय कमिटि गरिएको छ । गिरी अकोराबको केन्द्रिय बरिष्ठ उपाध्यक्ष हुनुहुन्थ्यो भने रेडियो तुलसीपुरका स्टेशन म्यानेजर समेत हुनुहुन्छ ।
यस्तै दाङबाटै केन्द्रिय सदस्यमा तिन जना चयन हुनु भएको छ । लुम्बिनी प्रदेश भुगोलबाट केन्द्रिय सदस्यमा रेडियो प्रकृतिका सन्चालक सदस्य तथा पुर्व म्यानेजर संगित बस्याल, खुल्ला तर्फबाट केन्द्रिय सदस्यमा रेडियो हाम्रो पहुँच सन्चालक समितिका अध्यक्ष शुक्रराज भण्डारी र रेडियो झरनाका रोशनमान श्रेष्ठ सर्वसम्मत चयन हुनु भएको छ ।
