स्थानीय तहको निर्वाचन वैशाख १४ गते गर्न निर्वाचन आयोगले प्रस्ताव गरेको छ।
प्रमुख निर्वाचन आयुक्त दिनेशकुमार थपलिया लगायत पदाधिकारीले प्रधानमन्त्री शेरबहादुर देउवा तथा मन्त्रीहरूसंगको छलफलमा शुक्रबार त्यस्तो प्रस्ताव गरेका हुन ।
पहिलो चरणको वैशाख १४ र दोस्रो चरण वैशाख २२ गते निर्वाचन गर्न सकिने प्रस्ताव गरेको छ ।
प्रमुख निर्वाचन आयुक्त थपलियाले राष्ट्रिय सभामा रिक्त १९ सदस्यका लागि माघ १२ गते हुने निर्वाचनमा स्थानीय तहमा १४९३ जना र प्रदेश सभामा ५३२ जना गरी जम्मा २०२५ मतदाता रहेको जानकारी पनि दिएको छ ।
आयोगले निर्वाचनको लागि पुस १० गतेसम्ममा राजनीतिक दल दर्ता निवेदन दर्ता गर्न आह्वान गरेको छ ।
पुस २० गतेदेखि २५ गतेसम्म उम्मेदवारको अन्तिम नामावली प्रकाशसन र निर्वाचन चिन्ह प्रदान गर्ने निर्वाचन आयोगले जनाएको छ ।
