गंगादेब गाउपालिका रोल्पाले १ बर्षदेखि बेखबर पुरानो जेसिभिको खोजि कार्य अगाडी बढाएको छ । नव निर्वाचित गाउपालिका अध्यक्ष हरीबहादुर पुनको निर्देशन पश्चात् करिव १ बर्ष यता प्रयोग बिहिन बेखबर अवस्थाको जेसिबिको खोजि गरिएको हो ।
गाउपालिकाको सम्पर्क भन्दा बाहिर रहेको उक्त जेसिवि दाङ्को एक ग्यारेजमा मर्मतकोलागि पठाएको अवस्थामै पार्कीङ गरि राखिएको अवस्थामा रहेको पत्ता लागेको छ। तत्कालीन समयमा झण्डै ३ लाख खर्च गरेर मर्मतकोलागि दाङ पठाइएको मेसिन थप ४ लाख खर्च लाग्ने ग्यारेज संचालकले गाउपालिकालाइ बताएको छ ।
यता गाउपालिकामा केही समय मेसिन कहाँ छ भन्ने कर्मचारीहरु कसैलाई जानकारी नभएको नयाँ निर्वाचित गाउपालिका उपाध्यक्ष अमृता कुमारी वली बताउछिन । अहिले जेसिबि मर्मतकोलागि पालिकामा स्रोत समेत नभएको र आगामि आवमा खर्च गर्नेगरि मर्मत गर्न निर्देशन दिएको गाउपालिका अध्यक्ष हरिबहादुर पुनले जानकारी दिए ।
बिगतमा प्रयोग बिहिन अवस्थामा गंगादेव ३ कुकुरगारेमा लामो समय थन्किएको मेसिन नेपाल फ्यूजन अनलाइनबाट समाचार प्रकाशन भएपछि अलपत्र अवस्थामा छोडिएको मेसिन मर्मतकोलागि दाङ पठाइएको थियो ।
