माडी सव डिभिजन वन कार्यालय घर्तिगाउँको आयोजनामा स्थानीय तह सँग समन्वय बैठक आज घर्तिगाउँमा सम्पन्न भएको छ ।
सव डिभिजनका सहायक बन अधिकृत ओली महम्मत राइनको अध्यक्षता एवम् माडी गाउँपालिका अध्यक्ष अमरसिंह घर्तिमगरको प्रमुख आतिथ्यतामा भएको कार्यक्रममा बन कार्यालयले गर्ने विभिन्न गतिविधि र सहकार्यको विषयमा छलफल भएको थियो ।
कार्यक्रममा वडा नम्बर २ का वडा अध्यक्ष ललित घर्तिमगर, वडा नम्बर ५ का वडा अध्यक्ष तेजेन्द्र बुढामगर, नेकपा एमाले रोल्पाका उपाध्यक्ष बिजय कुमार घर्तिमगर, नेकपा माओवादी केन्द्र माडी गाउँपालिका उपाध्यक्ष भरत बहादुर बुढामगर, नेपाली कंग्रेस माडी गाउँपालिका सभापति नवराज डाँगीलगाएत सामुदायिक बन उपभोक्ता समितिका पदाधिकारीहरुको उपस्थिति रहेको थियो । कार्यक्रममा जलवायु परिवर्तन, वातावरण संरक्षण विषयमा वन अधिकृत राइनले प्रशिक्षण समेत दिनुभएको थियो ।
कार्यक्रमको संचालन माडी सव डिभिजनका फरेस्टर राजीव गिरीले गर्नुभएको थियो ।
