स्थानीय स्काउट तदर्थ समिति माडी गाउँपलिकाको आयोजना तथा माडी गाउँपालिकाको आर्थिक सहयोगमा लागु औषध दुर्व्यसन सम्बन्धि एक दिने अभिमुखिकरण कार्यक्रम श्री कृष्ण माध्यामिक बिद्यालय माडी २ घर्तिगाउँ रोल्पामा सम्पन्न भएको छ ।
तदर्थ समिति संयोजक जुद्ध बहादुर घर्तिमगरको अध्यक्षता एवम् माडी गाउँपालिका अध्यक्ष अमरसिंह घर्तिमगरको प्रमुख आतिथ्यतामा भएको कार्यक्रममा माडी २ का वडा अध्यक्ष ललित घर्तिमगर, ईलाका प्रहरी कार्यालय घर्तिगाउँका प्रहरी निरीक्षक देवराज भट्टराई, श्री कृष्ण मावि घर्तिगाउँका विव्यस अध्यक्ष मधुसुधन बुढामगर, प्रधानाध्यापक बिष्णु प्रसाद आचार्य, शिक्षकलगाएतको उपस्थिति रहेको थियो ।
कार्यक्रममा लागु औसध दुर्व्यसन कसरी न्यूनीकरण गर्न सकिन्छ भन्ने बिषयमा ईप्रका घर्तिगाउँका प्रहरी निरीक्षक देवराज भट्टराईले प्रशिक्षण दिनुभएको थियो । प्रशिक्षण कार्यक्रममा श्री कृष्ण मावि घर्तिगाउँका कक्षा ९ र १० का विद्यार्थीहरुको सहभागीता रहेको थियो । कार्यक्रमको संचालन तदर्थ समिति सदस्य बुद्ध प्रकाश घर्तिमगरले गर्नुभएको थियो ।
