रोल्पाका निजि तथा आवासीय बिद्यालयहरुको छाता संगठन प्याब्सनले आज घर्तिगाउँमा जिल्ला स्तरीय हाजिरी जवाफ प्रतियोगिता सम्पन्न गरेको छ ।
प्याब्सन रोल्पाका अध्यक्ष डिवी घर्तिमगरको अध्यक्षता एवम् माडी गाउँपालिका अध्यक्ष अमरसिंह घर्तिमगरको प्रमुख आतिथ्यतामा भएको कार्यक्रममा प्याब्सन रोल्पाका सल्लाहकार कृष्ण बहादुर घर्तिमगरको विशिष्ट आतिथ्यता रहेको थियो । कार्यक्रममा नेकपा एमाले रोल्पाका उपाध्यक्ष विजय कुमार घर्तिमगर, नेकपा माओवादी केन्द्र माडी २ का अध्यक्ष लिला बहादुर घर्तिमगरलगाएत स्थानीय बुद्धिजीवी, कर्मचारी, शिक्षकहरुको उपस्थिति रहेकोे थियो । कार्यक्रममा बोल्दै प्रमुख अतिथि गाउँपालिका अध्यक्ष घर्तिमगरले जिल्ला स्तरीय कार्यक्रमको लागि घर्तिगाउँलाइ छनोट गरेमा धन्यवाद दिदै निजी क्षेत्रको बिकासको लागि जहिले नि आफू सकारात्मक रहेको बताउनुभयो ।
हाजिरी जवाफ प्रतियोगिता अन्तर्गत कक्षा ६-८ को प्रतियोगितामा होलिभिजन बोर्डिङ लिवाङ प्रथम, रोल्पा सनलाइट रुइनिवाङ द्वितीय, ज्ञान मन्दिर बिद्या गृह खुङ्ग्री तृतीय र तुल्सी आवसीय माबि लिवाङ सान्त्वना भएका छन । त्यस्तै कक्षा १-५ प्रतियोगितामा रिपब्लिक बोर्डिङ स्कुल घर्तिगाउँ प्रथम, रोल्पा रेडियसन बोर्डिङ राङ्सी द्वितीय,रोल्पा सनलाइट बोर्डिङ स्कुल रुइनिबाङ तृतीय र पब्लिक होराइजन बोर्डिङ ओत सान्त्वना भएका छन ।
प्याब्सन रोल्पाका वरिष्ठ उपाध्यक्ष ओम केसीको स्वागत मन्तव्यबाट शुरु भएको कार्यक्रमको संचालन सचिव कमल ओलीले गर्नुभएको थियो ।
