• एउटै दृष्टि, भिन्न कोण
  • Search

रोल्पाका स्थानीय तह कुन बर्गमा, कति पाउँछन् समपुरक अनुदान ?

रोल्पा २०८१ माघ १२ गते आइतवार

सरकारले समपूरक अनुदानमा कार्यान्वयन हुने आयोजना तल्लो सरकारले प्रस्ताव गर्न सक्ने अधिकतम सीमा कटौती गरेको छ । राष्ट्रिय योजना आयोगले तयार गरेर अर्थ मन्त्रालयमार्फत क्याबिनेट पुगेको समपूरक अनुदानसम्बन्धी कार्यविधि, २०८१ लाई मन्त्रिपरिषद्ले स्वीकृत गरेसँगै समपुरक अनुदान पाउने व्यवस्था परिवर्तन भएको हो । यस अघि ‘संघीय सरकारले परियोजनाका लागि ५० प्रतिशत र स्थानीय वा प्रदेशले ५० प्रतिशत लगानी गर्ने व्यवस्थामा परिवर्तन भएको हो ।

सरकारले पुरानो कार्यविधि खारेज गरी ल्याइएको नयाँ कार्यविधिले अधिकतम लागतको सीमा घटाएको छ । समपूरक अनुदानका लागि गाउँपालिका,नगरपालिकाबाट कार्यान्वयन गरिने आयोजना,कार्यक्रमको कूल लागत १ करोडदेखि १० करोड रुपैयाँसम्म रहेकोमा कार्यविधि संशोधन गरी १ करोडदेखि ७ करोडको सीमा तोकिएको छ । अब कमजोर स्थानीय तहलाई संघीय सरकारले ८० प्रतिशत योगदान दिनेछ भने दोस्रो बलियो तहमा रहेका स्थानीय तहको हकमा संघले ३० प्रतिशत र स्थानीय तहले ७० प्रतिशत व्यहोर्नुपर्ने तोकिएको छ ।

अनुदानका लागि स्थानीय तहलाई सात तहमा बर्गीकरण गरेको आयोगले जनाएको छ । अब सरकारले आन्तरिक राजस्व संकलन, समृद्धिको अवस्था, उद्योग धन्दा एकाग्रता सहित राजस्व परिचालन सूचकांकका आधारमा स्थानीय तहको वर्गीकरण गरेको छ ।

रोल्पामा स्थानीय तहहरु समूह क र ख मा परेका छन । समुह क मा थवाङ गाउँपालिका, सुनछहरी गाउँपालिका,लुङ्‍ग्री गाउँपालिका, परिवर्तन गाउँपालिका परेका छन । समुह ख मा माडी गाउँपालिका, त्रिवेणी गाउँपालिका, रुन्टीगढी गाउँपालिका, गंगादेव गाउँपालिका रहेका छन । रोल्पा जिल्लाको एकमात्र नगरपालिका रोल्पा नगरपालिका समुह घ मा परेको छ । अब समुह क मा परेका ४ ओटा गाउँपालिकाले २० प्रतिशत योगदान गर्नु पर्नेछ । समुह ख मा परेका ४ ओटा गाउँपालिकाले ३० प्रतिशत र घ मा परेको रोल्पा नगरपालिकाल् ५० प्रतिशत योगदान गर्नु पर्ने भएको छ ।

क्र.सं.स्थानीय तहको नामसमुह
थवाङ गाउँपालिका
सुनछहरी गाउँपालिका
लुङ्‍ग्री गाउँपालिका
परिवर्तन गाउँपालिका
माडी गाउँपालिका
त्रिवेणी गाउँपालिका
रुन्टीगढी गाउँपालिका
गंगादेव गाउँपालिका
रोल्पा नगरपालिका

प्रतिक्रिया दिनुहोस