• एउटै दृष्टि, भिन्न कोण
  • Search

दाङका कोरोना संक्रमित ब्यक्तिको बाँकेमा उपचारका क्रममा मृत्यू

दाङ २०७७ कार्तिक १५ गते शनिवार

दाङका कोरोना संक्रमित एकजना कोहलपुर स्थित नेपालगञ्ज मेडिकल कलेज बाँकेमा उपचारको क्रममा मृत्यु भएको छ ।

घोराही उपमहानगरपालिका वडा नं. ४ निवासी ७० वर्षीय पुरुषको बाँकेको कोहलपुर स्थित नेपालगञ्ज मेडिकल कलेजमा शनिबार बिहान मृत्यु भएको हो ।

उनी कात्तिक ११ गते अस्पताल भर्ना भएका थिए । कोरोनासँग मिल्दोजुल्दो लक्षण देखिएपछि स्वाब परीक्षण गर्दा उनमा कात्तिक १२ गते कोरोना संक्रमण पुष्टि भएको थियो ।

उपचारको क्रममा शनिबार बिहान ५ बजेतिर उनको मृत्यु भएको बाँकेका कोरोना फोकल पर्सन नरेश श्रेष्ठले जानकारी दिए ।

उहाँले उपचारको क्रममा रोगको प्रकृति अनुसार गरिनु पर्ने अक्सिजन, रेम्डेसिभर, एन्टिबायोटिक लगायतका सबै प्रकारको सपोर्टिभ उपचार गर्दागर्दै शनिवार बिहान ५ बजे उनको मृत्यु भएको अस्पतालले पुष्टि गरेको बताउनुभयो ।

शुक्रवार पनि दाङकै राप्ती गाउँपालिका वडा नम्बर १, का ६५ वर्षीय कोरोना संक्रमित एक पुरुषको नेपालगञ्ज मेडिकल कलेज शिक्षण अस्पताल कोहलपुरमा उपचारका क्रममा मृत्यु भएको थियो ।

प्रतिक्रिया दिनुहोस