सरकारले निजामती कर्मचारीको तलब १५ प्रतिशतले वृद्धि गरेको छ । संघीय संसदमा आइतबार आर्थिक वर्ष २०७९–८० को बजेट भाषण गर्दै अर्थमन्त्री जनार्दन शर्माले तलब वृद्धिको घोषणा गरेका हुन् । अर्थमन्त्रीले सेना, प्रहरी, शिक्षकसहित निजामती कर्मचारीको तलब वृद्धिको घोषणा गरेका हुन् । यस्तै महँगी भत्तालाई पनि निरन्तरता दिइएको छ।
निर्णयअनुसार निजामति कर्मचारीको तलव वृद्धिपछि सुरु स्केल यसप्रकार छ, जसमा ग्रेड भने समावेश गरिएको छैन। कर्मचारीको पदअनुसार प्रतिवर्ष एक ग्रेडका दरले अधिकतम ८ ग्रेडसम्म सुविधा पाउने व्यवस्था छ ।
क्रस | पद/श्रेणी | हालको सुरु तलबमान | बढेपछि कायम हुने तलब |
१. | मुख्य सचिव | ६७,१४० | ७७,२११ |
२. | सचिव | ६२,६८० | ७२,०८२ |
३. | सह सचिव | ४९,३८० | ५६,७८७ |
४. | उप सचिव | ४२,३८० | ४८,७३७ |
५. | शाखा अधिकृत | ३७,९९० | ४३,६८९ |
६. | नायव सुब्बा | ३०,२०० | ३४,७३० |
७. | खरिदार | २८,६१० | ३२,९०२ |
८. | मुखिया | २४,०१० | २७,६१२ |