माडी गाउँपालिका गरिबी निवारणका लागि लघु उद्यम विकास कार्यक्रम अन्तर्गत बजार बजारीकरण सम्बन्धि अन्तरक्रिया कार्यक्रम घर्तिगाउँमा सम्पन्न भएको छ ।
माडी गाउँपालिका अध्यक्ष अमरसिंह घर्तिमगरको अध्यक्षतामा भएको कार्यक्रममा माडी २ का वडा सदस्य सुरेन्द्र बुढामगर, वडा नम्बर ३ का वडा सदस्य दल बहादुर बुढामगर, उद्योग वाणिज्य संघ रोल्पाका महासचिव कमल घर्तिमगर, उद्योग वाणिज्य संघ माडी गाउँपालिका संयोजक मधुसुधन बुढामगर, स्थानीय व्यापारीलगाएत लघु उद्यमीहरुको सहभागीता रहेको थियो ।
कार्यक्रममा स्थानीय उद्यमीले आफुले उत्पादन गरेको सामाग्रीको बजारीकरणको लागि व्यवसायी र सरकारसँग अनुरोध गरेका थिए भने व्यवसायीले उत्पादन वृद्धि गर्न आग्रह गरेका थिए । लघु उद्यमीले आफुलाइ परेको समस्यालाइ समेत खुलेर राखेका थिए भने गाउँपालिका अध्यक्षले सोको समाधानको वारेमा उद्यमीलाइ प्रष्ट पार्नुभएको थियो । गाउँपालिकामा उत्पादन भएको वस्तुको बिक्री ग्यारेन्टी कसरी गर्न सकिन्छ भन्ने विषयमा गाउँपालिका लागेको पालिका अध्यक्ष घर्तिमगरले बताउनुभयो ।
कार्यक्रमको संचालन मेड्पाका वरिष्ठ उद्यम विकास सहजकर्ता हिसिला डाँगी गर्नुभएको थियो ।
