माडी गाउँपालिका वडा नम्बर ४ मा रहेकोे सुर्य प्रकाश प्राथमिक बिद्यालयको २ कोठे भवनको एक औपचारिक कार्यक्रमका विच उद्घाटन गरिएको छ ।
बिद्यालय व्यवस्थापन समितिका अध्यक्ष विर बहादुर बुढामगरको अध्यक्षता एवम् माडी गाउँपालिका अध्यक्ष अमरसिंह घर्तिमगरको प्रमुख आतिथ्यतामा भएको कार्यक्रममा वडा अध्यक्ष रेग बहादुर मल्लको विशिष्ट आतिथ्यता रहेको थियो । कार्यक्रममा गाउँ कार्यपालिका सदस्य वरमाली कुमारी बुढामगर, वडा सदस्य दिपेन्द्र डिसी, नेपाल पत्रकार महासंघ रोल्पाका कार्यसमिति सदस्य एवम् रेडियो माडी आवाज घर्तिगाउँका स्टेशन म्यानेजर बुद्धिमान ओली, नेपाली कंग्रेसका क्षेत्रीय सदस्य हरि प्रसाद डाँगी,वडा सभापति दुर्गा प्रसाद डाँगी, नेकपा एमालेका अमरसिङ बुढा, नेकपा माओवादी केन्द्रका ४ नम्बर पार्टी इन्चार्ज लोक बहादुर बुढामगर, पार्टी सचिव रने वलीलगाएत स्थानीय बुद्धिजीवी, आमा समुह, विभिन्न झाँकी समुहहरुको उपस्थिति रहेको थियो । कार्यक्रममा बोल्दै प्रमुख अतिथि गाउँपालिका अध्यक्ष घर्तिमगरले विद्यालयको थप आवश्यकता समेत परिपुर्ति हुनेगरी सरकारले काम गर्ने वताउनुभयो ।
विद्यालयकी शिक्षिका कमला खड्का डाँगीको स्वागत मन्तव्यबाट शुरु भएको कार्यक्रमको संचालन बिद्यालयका प्रधानाध्यापक शिव बहादुर डाँगीले गर्नुभएको थियो ।
