जनतासँग माओवादी विषेश रुपान्तरण अभियान अन्तर्गत माडी गाउँपालिका वडा नम्बर ३ को बैठक तालावाङमा सम्पन्न भएको छ ।
नेकपा माओवादी केन्द्र माडी ३ का अध्यक्ष दल बहादुर बुढामगरको अध्यक्षता एवम् अभियानका माडी गाउँपालिका संयोजक नरसिङ राणाको प्रमुख आतिथ्यतामा भएको कार्यक्रममा नेकपा माओवादी केन्द्र माडी गाउँपालिका अध्यक्ष अमरसिंह घर्तिमगरको विशिष्ट आतिथ्यता रहेको थियो । बैठकमा अभियानका सदस्यहरु झक्कु प्रसाद परियार, दल बहादुर घर्तिमगर, गौमाया पुन, सविना घर्तिमगर, आम बहादुर घर्तिमगर, गाउँ कमिटी कोषाध्यक्ष जयपुरी घर्तिमगरलगाएतको उपस्थिति रहेको थियो । बैठकले टोलटोलमा अभियान सफल पार्न मिति तय गरेर जाने र जन बर्गीय समितिको बैठक बस्ने निर्णय समेत गरेको छ । कार्यक्रमको संचालन वडा कमिटी सचिव लाल बहादुर घर्तिमगरले गर्नुभएको थियो । माडी गाउँपालिकामा नेकपा माओवादी केन्द्रले वडा कमिटीको बैठक बस्दै अभियानलाइ टोलटोलमा पुर्याउने क्रममा भोली वडा नम्बर ४ को बैठक बस्ने बताइएको छ ।
